<p><font size="3">陆惠玲</font></p><p><font size="3"></font>
(专题六)TVB配音员 之 大家闺秀---陆惠玲
</p><p></p><p><font size="3">别名: 碌玲、Joyce</font></p><p><font size="3">入行年份: 1989</font></p><p><font size="3">资历<br/>入行嗰阵係喺ATV嘅,1994年正式加入TVB。係好受欢迎嘅配音員,经常为主角配音。係松隆子、妮歌洁曼同美琪赖恩嘅专用配音员。<br/><br/>代表作品:</font></p><p><font size="3">《星球流浪记》 露娜 <br/>《魔法小神童加旋》 雪莉(配雪莉,大家闺秀风范表露无遗啊!)<br/>《皇家双妹唛》 小早川美幸( 温柔得嚟又有啲硬颈嘅声音,一样係大家闺秀啊······)<br/>《美少女战士》 木野真琴&冥王雪奈(一人分饰两角)<br/>《神雕侠侣》 小龙女 <br/>《少女革命》 天上萼<br/>《婚纱小天使》 花咲桃子 <br/>《幽游白书》 幻海<br/>《心动季节(他和她的故事)》 宫泽雪野(可惜未睇过)<br/>《大长今》 韩尚宫<br/>《倚天屠龙记》 周芷若【周海媚饰演】(呢个真係令我记忆尤新啊!好中意佢配音嘅周芷若)</font></p><p><font size="3">松隆子 (苏强文係木村拓哉,陆惠玲係松隆子,两个人做过对手戏啊,《神雕侠侣》都一样)<br/>妮歌洁曼(汤告鲁斯前妻) (······真係超中意佢为妮歌洁曼配音啊!!!)<br/>美琪赖恩 (好少人识?)</font></p><p><br/><font size="3">真人发声<br/> <br/> “我好中意配爱情片,特别係《真情告白》,可能因为自己中意睇,配音嗰阵都易啲投入。今次配韩尚宫就辛苦啲,因为对白又长又快,冇乜唞气位。喺戏嘅后期又要成日喊,搞到我都喊埋一份。”</font></p><p><br/><font size="3">配音心得</font></p><p><font size="3"> “我成日配美琪赖恩同珊迪娜布洛嘅戏,对佢哋嘅风格比较熟悉。好似珊迪娜布洛噉,佢开声之前梗会开一开口,我有时会帮佢补啲助词落去,唔使佢擘大个口得个窿。”</font></p><p><font size="3"> </font></p><p><br/><font size="3">楼主夜莺无责任乱噏</font></p><p><font size="3"> 陆惠玲,係好受欢迎嘅配音員,出声率极高,无论係翡翠台定明珠台。入行嗰阵係喺ATV嘅,1994年正式加入TVB,呢个我真係唔知啊(多谢toby0625提供资料),同苏强文一样係1989年入行,同期嘅配音员。从此,TVB多咗一个优秀嘅配音员,广大观众亦开始认识同中意上呢把声,具有大家闺秀气质嘅声音。我对佢有印象係由《倚天屠龙记》嘅周芷若開始,当时一听到呢把声就觉得好好听,好吸引人,开始中意呢把声。</font></p><p><font size="3"> 陆惠玲嘅声线适合配各种唔同类型、性格嘅角色。活泼开朗、文静、疯狂、阴沉、神经等等嘅角色都难唔到佢;反串男角,配老人同细路一样驾轻就熟。我经常都见到佢配老人嘅角色。陆惠玲把聲真係好甜、好靚,聽起嚟好舒服,加上优秀嘅配音功力,可以成功演绎众多不同角色。就因为噉,佢所演绎嘅角色好少令我哋失望,幾乎都係拍爛手掌嘅。不过首推嘅当然係佢所演绎嘅大家闺秀式嘅女角。</font></p><p><font size="3"> “特别係配公主或名门闺秀嘅时候,令人感觉好有气质。”啊啊啊!!!太同意呢位网友嘅說話啦!好甜、好靚嘅声音,加上陆惠玲恰倒好处嘅音調配合,一种高贵嘅气质自声音之中油然而生。配合演员嘅演出,公主同名门闺秀就噉畀陆惠玲演绎得淋漓尽致!真係冧死唔少纯情少年啊(罪过罪过······)!睇下边个仲敢话香港配音员唔掂!</font></p><p><font size="3"> 陆惠玲所演绎嘅雪莉真係好唔错,将雪莉嘅坚强同名门闺秀风范表露无遗, “冷”嘅感覺亦表现出来。小早川美幸,温柔得嚟又有小小嘅硬颈,同样为陆惠玲所成功演绎。幻海,苍老同年轻嘅声音同出自一人,令人难以想象!陆惠玲嘅音域之广可见一斑。木野真琴&冥王雪奈,两个美少女战士都由一个人演绎,而且呢两个角色嘅性格係唔同嘅,配音有一定嘅难度。其他例如小龙女、天上萼、桃子等都係成功嘅演绎,至少我係噉认为,大家又点呢?</font></p><p><font size="3"> 真人方面,陆惠玲係松隆子、妮歌洁曼同美琪赖恩TVB方面嘅专用配音员。佢把声同松隆子真係好襯,好多人都中意佢为松隆子配音。陆惠玲为妮歌洁曼喺“魔女搵老襯”入面饰演嘅古怪魔女配音,当时我一听呢把声就谂:唔係挂?把声居然同魔女咁襯。应该话把声同妮歌洁曼好襯,真係好符合妮歌洁曼嘅气质啊!陆惠玲喺“网络情缘”饰演美琪赖恩,同饰演汤汉斯嘅招世亮做对手戏,同样有精彩嘅演出。想睇陆惠玲除咗动画方面嘅演出,就要留意明珠台嘅电影同剧集啦各位!</font></p><br/> |
|