(专题四)TVB配音员 之 靓仔掌门人---苏强文(有图)

<p><font size="2">苏强文</font></p><p>&nbsp;

(专题四)TVB配音员 之 靓仔掌门人---苏强文(有图)

<br/></p><p><font size="2">别名:阿苏/SO 、Kevin <br/><br/>入行年份:1989 <br/><br/>资历 <br/>苏强文以前係海关人员，1989年加入TVB配音部，係一个资深且好受欢迎嘅配音员，经常为主角配音。 <br/><br/><br/>代表作品： <br/><br/>《棋魂》 藤原佐为（大热啊大热，当然要摆喺第一位啦）【相信已经有女性FANS喺度尖叫~~~】 <br/><br/>《全职猎人》 幻影军团团长 古罗洛（绝对COOL同型仔嘅团长）【咩话？晕咗？？？】 <br/><br/>《幽游白书》 仙水忍 （悲剧色彩嘅仙水，散发著不能抗拒嘅纯真而邪恶之美）【吓？入咗院？？？】 <br/><br/>《魔法小神童加旋》 高岭清麻吕 <br/><br/>《百变小樱Magic咭》 基路比罗斯（狮子形态）<br/><br/>《神鵰俠侶》 杨过 <br/><br/>《机动战士08MS》 薛罗阿马特 <br/><br/>《高达W》 萨古斯（面具男） <br/><br/>《X檔案》 莫霍斯 <br/><br/>木村拓哉 （呢个係真人······） <br/><br/><br/><br/>楼主夜莺无责任乱噏 <br/><br/>&nbsp;&nbsp;&nbsp;&nbsp;&nbsp;&nbsp;&nbsp; 写咗几期TVB嘅女声，依家终于到我哋嘅男声出马喇！男同胞，大家欢呼啦！呐喊啦！咩话？欢呼同呐喊嘅係女仔？？？早知我就唔写啦~~~（众多女同胞一涌而上······）言归正传，我哋嘅男声藤原佐为终于出场喇！（比旧烂砖头掟亲，晕~~~） <br/><br/>&nbsp;&nbsp;&nbsp;&nbsp;&nbsp;&nbsp;&nbsp; 怪话讲完，呢次真係言归正传，我哋嘅男声苏强文终于出场喇。1989入行，16年嘅配音历程，资历可谓不浅。令人好奇嘅係，苏强文以前係海关人员，唔知点解，居然走咗去做配音员，海关同配音员係大缆都扯唔埋。照计海关嘅待遇应该比配音员好，点讲都係食皇家饭！可能係爱好同性格使然，令苏强文放弃海关嘅职位，去做一个配音员。对此，我有小小印象，以前好似睇过访问苏强文嘅文章，佢好似话海关嘅工作太过沉闷，啱啱TVB招艺员，佢就去咗应聘，卒之做咗配音员。不过，呢个绝对係一个正确嘅选择！至少对广大观众而言，特别係粤语动画爱好者，简直係福音啊！香港配音界从此多咗一个优秀嘅人才，观众亦可以听到一把磁性嘅声音，相信佢本人都认为自己嘅选择係啱嘅。 <br/><br/>&nbsp;&nbsp;&nbsp;&nbsp;&nbsp;&nbsp;&nbsp; 苏强文嘅係目前TVB嘅人气配音员，有好多FANS，尤其係女性FANS。我点解要起个标题叫“靓仔掌门人”呢，就係因为苏强文所配音嘅角色，几乎全部都係靓仔人马！藤原佐为、团长、仙水忍大家都见识过啦，佢把声实在係好适合配呢种角色。冷静而淡定，温柔而文雅，沉稳而性感嘅磁性声线，无咩人比佢更适合担纲型男靓仔嘅角色。苏强文由于经常为日本演员木村拓哉所饰演嘅角色配音，故有香港配音界“御用木村”之称。喺众多嘅配音剧集同电影入面，苏强文亦係为靓仔配音。睇嚟无论配动画定係配真人，苏强文始终同靓仔扯上关系。不过我谂好多人都未见过佢嘅真样，查实佢本身亦係靓仔一个！今次就奉上阿苏嘅相一张（张相真係好难得，皆因好少男声蒲头，无咩男配音员嘅相）。TVB真係狼死啊，居然用美男计！实冧死好多女仔啦！不过就係因为噉,佢嘅声线相对其他人来讲比较窄，好似未见佢配过中年人嘅角色。莫非“术业有专攻”？我拭目以待。 <br/><br/>&nbsp;&nbsp;&nbsp;&nbsp;&nbsp;&nbsp;&nbsp; 不过有好嘅声线仲未够，仲要有扎实嘅配音功力，苏强文就真係两者兼备。我哋睇下佢演绎嘅佐为，斯文秀气，儒雅风范（借用网友评论，点解我就谂唔到儒雅风范呢？！知道係呢个意思，就係无法用词语表达出来！）表现得淋漓尽致，描述佐为内心独白嘅配音极其传神，感情自然流露。我认为苏强文演绎嘅佐为堪称经典！团长呢？亦係演绎得栩栩如生。冷静、文雅，性感，魅力十足嘅团长居然同苏强文嘅声线如此配合！又一个经典！佢演绎嘅仙水忍我未听过，不过就係幻想仙水用团长嘅声音讲嘢，就已经令人相信呢个又一个成功嘅演绎。高岭清麻吕係苏强文演绎嘅为数不多嘅热血角色，我认为配得唔错，有热血嘅感觉，而且好搞笑！ <br/><br/>&nbsp;&nbsp;&nbsp;&nbsp;&nbsp;&nbsp;&nbsp; 大家觉得点呢？</font></p>
" F! o; n4 N' `1 |) ]2 A

[此贴子已经被作者于2006-7-21 22:17:49编辑过]

) u6 f# ]/ }" V3 _) e# g

仲有龙珠二世的未来版杜拉格斯

<p>你不说我真不知道</p>

<p>LZ得闲几时写翻个JIMMY的啊~~~~~~</p>

<p>讲真啊!我一直都想问:边个系jimmy啊?</p>

<p>讲真啊!我一直都想问:边个系jimmy啊?</p>

<p>帮你加几个：</p><p>《钢之炼金术师》莱马斯丹</p><p>《王子变青蛙》徐子騫</p><p>另外阿苏唔单止把声好听，连个月都几睇得下，郑丽丽真系有福啦</p>

<div class="msgheader">QUOTE:</div><div class="msgborder"><b>以下是引用<i>betty</i>在2006-7-14 0:28:51的发言：</b><br/><p>讲真啊!我一直都想问:边个系jimmy啊?</p></div><div class="msgheader">QUOTE:</div><div class="msgborder"></div><p></p><p>郭志权～～～～</p>

哗·····喱个掂啊！！！

<p>感觉佢配音个角色都几好~~~</p><p></p>

估吾到区系小樱入边嘅基路仔配音员!仲系佐为,同清嘛吕舔

<div class="msgheader">QUOTE:</div><div class="msgborder"><b>以下是引用<i>一开始</i>在2006-7-14 11:30:49的发言：</b><br/>估吾到区系小樱入边嘅基路仔配音员!仲系佐为,同清嘛吕舔</div><p></p><font size="3">錯！基路仔係林丹鳳所配音，基路比羅斯為蘇強文所配音。基路仔指嘅係寵物形態，基路比羅斯為戰鬥形態。</font>