klozepyj 发表于 2023-10-8 08:41
真无玩过街机版，fc就熟，翻去搵嚟玩下先，是cps1吧？
cps1?我响啲電腦模擬器搵到玩過，但因為個控制唔同街機，根本玩唔到...... 完全肉搏~~~ 之前同個老死玩到傻笑~~
其實仲有啲飛機GAMES, 好似 1943 ，都係去到最後一關冇得投幣式完勝電腦~~~
lukchiyung 发表于 2023-10-8 23:45
cps1?我响啲電腦模擬器搵到玩過，但因為個控制唔同街機，根本玩唔到...... 完全肉搏~~~ 之前同個老死玩 ...
模拟器是就是方便在可以疯狂投币，如果真是喺游戏中心玩，真是玩到同个game名一样 怒
1943好玩，玩III多
經典啊！感謝分享
klozepyj 发表于 2023-10-9 08:47
模拟器是就是方便在可以疯狂投币，如果真是喺游戏中心玩，真是玩到同个game名一样 怒
1943好玩，玩III多...
係呀，依家啲遊戲機中心都轉晒玩卡GAME，一啲都唔吸引，要玩返呢啲經典遊戲真係要响模擬器尋找~~
1943 好玩，講技術，都見過人可以一舖打爆機
这个很不错，感谢楼主分享好资源。
lukchiyung 发表于 2023-10-9 16:39
係呀，依家啲遊戲機中心都轉晒玩卡GAME，一啲都唔吸引，要玩返呢啲經典遊戲真係要响模擬器尋找~~
1943...
卡game好搵食啊嘛，最紧要有钱
1943嗰个公司几只飞机都好玩，而且难玩，我玩咗好耐先可以一个币玩到第三关
战国之刃都唔错
klozepyj 发表于 2023-10-9 20:38
卡game好搵食啊嘛，最紧要有钱
1943嗰个公司几只飞机都好玩，而且难玩，我玩咗好耐先可以一个币玩到第三 ...
其實當年 4 x 1元 一舖街覇2 應該係最搵錢嘅，成枱面都係錢跟機，雙打唔讓Round，二三分鐘就下一位挑戰者了~~
戰國之刃好似見過，但未玩過，格鬥遊戲比街霸同拳皇佔據晒啲精力了~~
lukchiyung 发表于 2023-10-10 00:56
其實當年 4 x 1元 一舖街覇2 應該係最搵錢嘅，成枱面都係錢跟機，雙打唔讓Round，二三分鐘就下一位挑戰者 ...
街霸2真是好热闹，不过我好渣，所以都是睇多，后面拳皇既年代都喺玩家用机版多了，我觉得12人街的确是精品
klozepyj 发表于 2023-10-10 10:51
街霸2真是好热闹，不过我好渣，所以都是睇多，后面拳皇既年代都喺玩家用机版多了，我觉得12人街的确是精 ...
當年街霸2 有好多Bugs，用軍佬有黐身同無影撻、用印度佬有忍身同即刻熄機...... 到我個老死學識用蘇聯佬邊行邊施風轉，基本上夾錢玩兩三舖就可以同人雙打足成個午飯時間，然後返學~~ 12人版去到降龍 (一路跳高一路出招) 都好多新玩法
用家用機玩拳皇94一定出唔到美國隊攬球手橫向飛碟，响街機基本上係無敵~~~ 95開始就冇得用呢招了......
用軍佬有黐身，我都识，不过对打既时候，如果用呢招，会搵老细关机，降龙是咪就是可以全版都是气功波嗰个啊？
你唔讲美国队橄榄球手我都唔记得佢了，第一个影像反而是世界英雄嗰个美式橄榄球
本帖最后由 lukchiyung 于 2023-10-11 14:32 编辑
klozepyj 发表于 2023-10-10 21:50
用軍佬有黐身，我都识，不过对打既时候，如果用呢招，会搵老细关机，降龙是咪就是可以全版都是气功波嗰个啊 ...
咦，原來你回覆咗~~ 我都記得會有啲傻瓜會搵老闆熄機，之後大家再入錢，改用Ryu 講唔讓Round，然後搵機會踢低佢，之後就襯起身跳去佢後面踢背脊 + 拉下重拳 + 昇龍拳，食晒又暈一次，直到死為止~~
世界英雄果個欖球手都幾有趣，但唔係無敵....當時我覺得個土人好有趣，研究咗好耐~~~
本帖最后由 klozepyj 于 2023-10-11 16:11 编辑
lukchiyung 发表于 2023-10-11 14:30
咦，原來你回覆咗~~ 我都記得會有啲傻瓜會搵老闆熄機，之後大家再入錢，改用Ryu 講唔讓Round，然後搵機會 ...
无计，我附近貌似几档街机都是有啲咁既风气，唔俾黐身
ryu同Guile既连招，我都是后来模拟器上面先学识，成功连到好有快感世界英雄船长好似好劲，但是我练极都唔太上手，面具人见人哋都几好用，但是我都是用李小龙多